Penningmeester Guus vd Nat
Voorzitter Peter Hardy
Secretaris Marino Mahovic
Beeldsje vaan Veerdeenste 2025
Mevr. Manon Machiels
Directeur en founder vaan ‘Samen voor Maastricht’
De Harry Hardy Stiechting is ummer op zeuk naor lui vaan St. Pieter, die wèlins e rögkesteunsje of e sjouwerklöpke kinne gebruke. Die al e tiedsje kraank thoes zien of allein thoes zitte. Weit geer zoe iemes, mail dat daan naor: secretariaat@harryhardy.nl. Daan zalle veer same mèt de daan regerende Prins vaan St. Pieter e bezeukske bringe en get aonbeje. Let g’r wèl op de vigerende AVG wetgeving.
HARRY HARDY STIECHTING
Vastelaovendsvereineging c.v. de Mosasaurussen heet de chariteitsgedachte vaan opriechter en Iere-President Harry Hardy oondergebrach in ‘n offisjele stiechting: de Harry Hardy Stiechting. Die Stiechting heet de organisatie vaan de Senioremiddag, de fruitsjeutelkes en ‘t bezeuk aon Maosveld veur zien rekening genome. Loert weier op de eige ‘site’ vaan de stiechting.
Cobben en mètwerkers: Grande merci
De Stiechting is ummer op zeuk naor geldbronne. Deks door donaties, bedelbreve te sjikke en gewoen lui te benadere en te vraoge. Noe woorte veer euvervalle door d’n hier Cobben vaan de supermerret op de Glacisweeg. Heer verkoup 2de hands beuk en de opbrings geit naor ’n vereineging, stiechting of aanderszins, die in eder geval de chariteit es prioriteit stèlle. De Harry Hardy Stiechting woort bizunder en aongenaom verras toen veer in de supermerret mooste koume en dao ‘nne cheque in us han geduid kraoge vaan € 600,00. Verpopzak verlete veer de zaak en zagte tege mekaar: zuuste de chariteit op St. Pieter is neet doed en v’r hove ouch neet mie zoe wied te zeuke.
Hier Cobben en mètwerkers: Grande merci naomes de chariteit.
